– Marami ang namangha sa babaeng kinayang manganak ng anim na sanggol sa loob lamang ng siyam na minuto

– Maituturing na kakaiba ito dahil ayon sa pagsusuri, tinatayang 1 sa 4.7 bilyon na pagkakaton lamang nangyayari ang ganitong sitwasyon

– Maayos ang kalagayan ng mga sanggol na nasa neonatal intensive care unit ng ospital

Hinangaan ang babae sa Houston, Texas na nagawang manganak ng anim na sanggol sa loob lamang ng siyam na minuto.

Nakilala ang matapang na ina na si Thelma Chiaka nagluwal ng apat na lalaki at dalawang babaeng sanggol.

Ayon sa ABS-CBN news, 4:50 hanggang alas-4:59 ng madaling araw nanganak si Thelma sa Woman’s Hospital of Texas.

Nalaman pa ng KAMI na talagang naiiba ang kaso ng panganganak ni Thelma dahil sa 1 sa 4.7 bilyon na tyansa lamang ito nangyayari ayon sa pagsasaliksik.

Mas posible pa nga raw ang tyansa na matamaan ng kidlat at ang manalo sa lotto kaysa sa kinayang panganganak ni Thelma ng anim na supling.

Zina at Zuriel ang pinangalan sa mga babaeng sanggol habang wala pang naibibigay na pangalan sa mga lalaki habang ito’y isinusulat.

Nasa maayos na kalagayan si Thelma at maging ang kanyang mga supling na nasa pangangalaga pa rin ng neonatal intensive care unit ng ospital.

Samantala, umani ng papuri si Thelma sa katapangan na pinakita niya sa kakaiba niyang panganganak.

Narito ang ilan sa mga komento ng netizens:

“Healthy sana Lahat_ Wow…Dapat sustentado ng gov’t”

“Maganda kc instant 6 ang anak mo!”

“Wow. Goodluck to the parents though.”

“Wow miracle”

“All for the love of her kids, Congrats!”

“Strong Mommy!”

Source: Kami.